鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

10/02/2011

大比。小比。結婚大大計 [搵搵搵。婚紗鞋篇]


在未來的日子,小比將會慢慢慢慢將這邊的blog轉到Blogspot的平台之上,起初會同步出post,但後期就會主力在那邊出直至大遷徒完成以後。btw,今次的主題不在這,看見這Topic,小比要說的當然又是結婚的過程小點滴。



對於婚紗鞋,一直沒有太大重要性,甚至身邊朋友都告訴我,影相也是著拖鞋,到最後,又慢慢覺得有d shot要抽高條裙跑下步,要坐高的話就會露腳,所以最後都聽從我的wedding planner - Karen意見,決定到各婚紗商場,又或者行下staccato、Joy& Peace個d留意下有無岩用ge款式。之但係,金都個d款真係不堪入目,雖然現成同訂都係同一個價錢,但都at least要$329以上,我覺得太唔 Reasonable的說,再行百利,呢邊ge款比較young,但係就相對更貴,起碼都要$500,所以即走了。

點算好呢? 女裝鞋店個d又唔夠grand,通常都比較大方。而婚紗商場ge又唔靚唔合心水,所以大比就強逼我一定要決定一樣野,究竟要買對好Bling 只在婚禮/影相當日著,定係買一對第日出到街,而個款較為grand的呢?最後身為淘寶控ge素素,都係決定上去淘下先再算。



因為我影相的晚裝會係奶黃色同桃紅色,加埋婚紗,大比就提議我買銀色的鞋,而且有閃粉的會較為適合,所以我就朝住呢個方向去搵,之後就發覺原來係very Easy Job~!真係有好多款啊~!而且價錢仲平到你唔信,靚過金都個d 10000倍。

淘足幾對,一齊集運落黎,所以接到淘點通知後就即刻去旺角提貨中心取貨了,以前好似係金雞廣場,依家搬左去家樂隔黎0個個柏裕中心,即係成日整電話都要去個度 XXD放工時間去到,地方都ok整潔wo~




職員用超快速超純熟ge方法就對好資料,隊左pack貨比我,真係好彩大比係我隔黎~~呢度本身又無袋提供,又大舊野。不過大家一收到貨第一件事都係即刻拆拆拆拆拆~~~好似打交咁~!哈哈哈哈




個Bench就係咁ga啦~呢度只係其中1/5,成行檯都係咁~!要搵位自已拆野,真係壯觀,同埋睇到大家有幾殘暴,哈



先拆大比的,竟然有獨立不織布袋,唔抵得tim~!哈哈哈




有少少camper ge影子,不過實物無網上圖咁靚仔~~btw~我一向都唔覺得男裝鞋靚,而且著長褲咩都遮晒,無所謂啦,哈哈哈,男裝鞋普遍都要三位數,呢對連國內運費都係RMB 110 ~!算係咁啦~!



而小比就一次過買了三對~!嘩哈哈~不過有兩對是同款的,只是怕size唔準,買2對唔同size確保有鞋著。首先係呢對4.5吋高的,因為前面都有platform,所以其實著上腳之後都係好舒服ge 3.5吋到,唔會話好似zara個d著左都唔知行唔行到咁高。幾舒服的。呢對鞋就原價RMB 76,加埋國內運費就RM86 only。真係抵,拎黎打小人都抵,哈哈。




不過拆袋後又發覺有隻腳ge鞋頭白了一塊,看來是因為磨到而甩了閃粉,究竟係送黎ge時候已經係咁,定自已回家過程整到?? 頭先係中心check貨都唔覺有野。不過唔打緊,好少野je~搽d膠水,吹返d銀粉就得,文具舖都搞得掂~!

另一對是高3吋的,也是銀色,就是我買了兩對的款式,哈哈,因為,因為佢只係RMB 29 ja~!平到傻左,買10對先等於街買1對



而且我幾鍾意呢對鞋,除左係價錢以外,佢仲有2個著法,可以將橡筋同花花扣係後面之餘,亦可以放黎前面先著,我覺得2個著法都幾靚,而且後者仲可以防步跑幾步時有甩鞋ge情況出現,唔洗下下d腳趾拿實晒先跑~哈哈哈哈。



豬腳一對,都要影幅著上腳ge相比大家睇下ge~都唔錯,不過大比就話鍾意放後面,到時再算啦,反正見腳ge機會少之有少。



因為網頁上寫有好多買家feedback係偏小半號,所以可以著到37,38的我,就買晒2對返黎,最後真係38先岩我~哈哈。好彩黎緊都有好多朋友仔結婚,如果有朋友本身著36,37都得ge話,我願意送比佢,反正我keep住都無用,而個幾十蚊我都無謂收,就當是有好野一齊分享。而且呢對鞋閃得黎都幾大方低調,我可以留返黎去ball的時候著。


今次第一次用集運,計晒所有所有運費同鞋錢,都只係用左RMB 270就買左4對鞋,淘點集運落黎HK的是HKD 30。真係係HK點都無可能買到,男裝鞋係個d核突荷里活廣場都要$200以上,而且仲要亮面的,救命,今次淘回來的全部野我都好滿意,而且集運真係好方便,如果唔洗趕住用的話,都唔會再用順豐了,用集運 XD

2 則留言:

  1. Hi..小比:
    我是Mrs Cook ^^ 我和你一樣..由阿虎搬來的>< 結婚的晚裝鞋買太貴..真無謂..我當年花了三四百元買的鞋只穿了一次便沒有再穿..搬屋時還掉了呢!

    回覆刪除
  2. Mrs Cook: sorry呀~咁耐先reply你~太忙成日都唔記得要reply留言,對呀!我都真係行左好多街~上網睇左好多次~最後決定博一博~!估唔到咁筍~!

    回覆刪除

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...