不得不承認，自婚禮進入倒數加上新屋的執頭執尾嚴重地佔時間後，確實想放一個很長的假，甚麼都不寫，到後期更加想覺以後與寫Blog甚麼關係都沒有，可能更好。畢竟建立了自已的家庭後，外出的機會已經比以往少了九成，到處吃不再是我的正職，但一直也沒有將自已的博客定位定得太狹窄，反正都是分享自已的點滴，寫甚麼，為名為利都不再重要，就繼續用僅餘的氣力和時間寫下去。
繼上次說過睇樓可以睇到有幾驚嚇 http://megan-soso.blogspot.com/2011/12/blog-post_08.html ，很多朋友都估我會選擇一間家電全齊的「酒店屋」，但其實因為「綠牆紫房」的單位和「酒店屋」只係差幾層的同一單位，而租金相差$1000，無錯，是不多，但一想起簽2年，差價約$24000，買全屋的傢俬電器應該都不用這個價錢，而且當我再搬的時候，我買了約值$15000傢俬電器都是屬於自已，無需要再為了當初的方便而再花錢，寧願自已夾手夾腳油返自已鍾意ge顏色可以更合意。
我們在取匙前的下午就已經走到「多樂士」的陳列屋選色，由底漆到乳膠漆到磁漆都一併買了，即時取走了底漆only~其他的就留待聽日帶車仔來取。看著Patone色板，熟悉素素的人都不難知道她會打開那幾版，當然就是紅色系。最後決定睡房四面牆都以暗粉紅色為主，客廳就全白為主，其中一面就油以睡房的暗粉紅色，而所有門框就會是較鮮的桃紅色，配以粉紅的木門。
這天之前已經不知逛了多少次上海街、IKEA、DSC等，最後還是回屯門的陳列室買，店員有禮得多之餘，也有不少贈品，另外這裡也有機器即時調色和搖勻，整個過程有如咖啡機，加入色漿，新鮮又好奇。
取匙時已經是黃昏6,7點，我們工作的時間不多，感謝好友D特地由太古放工後走入來幫幾小時，萬分感謝，我答應全星期的晚餐都是我的好了。今晚的工作主要是油底漆，兩位男士一起油，而老公是絕對怕我搞亂檔，整瀉油的，所以素素就被委派做-------鋪報紙! 有無搞錯，明知女人又企又蹲好易頭暈ga嘛!結果我係腳痺加頭暈了好幾個鐘，無得玩油油，哼。
哼哼哼，你地唔好整爛我d報紙ar!痴得好辛苦ga!
睇樓ge時候已經覺覺書房牆有條明顯的裂紋，到平台看外牆後知道是外牆的裂紋，所以有滲水的危機，以致牆灰不停跌，但因為大廈好像快有翻新工程，經紀不建議這個時候要業主整，所以我地決定唔油書房，維持紫色，同時拍照備案，最後只用了些灰土抆一抆平，減少跌灰的危機。
因為我地裝修其間係聖誕，加上家人都好好咁請左幾日假黎幫我地快快手手完成，所以基本上我地每日早晚「輪班」咁輪都keep住有4人以上同時進行，真係好幸福，加上張家多年來都是自行油油裝修，加上張爸以前好似都做過裝修師傅，所以好多野都勁熟手，因為有左佢，我地ge進度可以話突飛猛進，就好似呢個自製ge燒烤網做油碌隔，慳返好多買油碌盤ge錢。
不得不承認用滾筒確實油得比油掃薄好多，之前係房用油掃油底漆，一層都已經遮了唔少顏色，但用滾筒效果唔明顯，但快好多，無緊要啦，冬天乾燥，轉頭就乾，可以上多層都得，加油。
佢兩父子實在太早開工，我追唔切，起身食lunch再過黎，佢地都已經做左幾個鐘，有d位油緊第二層面漆，無有錯，我黎都係做一個搗亂ge角色，不過我真係覺得呢個帽好得意又好老土，哈。
有油過油ge人都知道油天花係好辛苦的，但張爸堅持所有天花都佢油，要個最老ge油天花油到頸痛，真係過意唔去，不過佢又真係由得好快。
油左一層乳膠漆係綠牆，都已經遮左唔少，照計應該油多2層就very gd~!
生平第一次參與油油，玩多過做，，不過當我負責油自已鍾意ge粉紅色係房ge時候就精神晒~!哈哈，睡房包係我手啦!
好似幼稚園ge粉紅，其實唔係我心目中想係色板揀ge顏色，我想要ge係暗淡ge酒粉紅色，但我揀左色板ge時候，店員呀姨又叫我諗清楚，因為細格都暗，油晒房之後可能好暗，結果揀淺了2個tone~~都無得唔算啦。
油左n層白色係廳之後，總算見到白色ge家，感覺好多了~!哈，天氣好，人手多，進度勁勁快，我地只用了2日半就完成油漆ge所有工程啦，接住落黎傢俬都會陸續送黎，訂左ge燈都會送黎，加油~!
0 Comments:
發佈留言
記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮
文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance
邀約合作請聯絡: megan_wong@ymail.com