大比。小比。結婚大大計 [我們的安樂蝸 - 燈飾淘寶大收獲]

繼上次講完油漆工程篇 http://megan-soso.blogspot.com/2012/02/blog-post.html ，清理好之後就開始裝燈的過程了，因為上一手業主真係夠慳，全屋都用白光管，成五枝，最後我地決定只保留廚房同廁所，廳同房一定要換燈，但唔買唔買，買開有鋪癮，結果素素買了6盞燈，有座地，有檯燈，有吊燈，亦有吸頂燈同掛牆燈，哈哈哈。

事緣係因為係旺角一帶已經看過無數咁多燈舖，但價錢同款式都幾唔合理同唔靚，最後都係用最擅長ge方法，半夜淘寶下，結果一淘就淘了成個星期，無覺訓但每每發現合心水的新款式又或者突然間有間平好多但Comment又ok~就會好落力繼續傾，等到第二朝客服有人就即刻問運費同包裝等，確保每個燈都買得超值。

因為快遞好多時計重量之餘都會計體積，所以唔似平時大家買衫買日用品咁$30,40落樓，有時運費分分鐘貴過件貨，因為打木框又再重左。

之但係咁，基本上你淘落黎，計埋運費，我都拍心口肯定平過你係香港買同一樣野，係香港係方便d，跟進好d，但事實係燈舖我見過無數係淘寶eg賣$178，係舖頭買$1600等等，人地送埋貨，幫你裝埋又如何?? 佢真係賺到笑。老公係五金舖幾蚊買個三腳插頭，自已駁返d電線，就已經由大陸兩腳變左三腳。

其中一盞最鍾意的就係呢個金色的兔仔檯燈，其實有黑白兩色，但有一日無端端發現全個淘寶，好肯定得佢一間有金色，結果單價貴過競爭大ge黑白之外，間舖都有少少無良咁收我RMB92 運費，但實際比速遞只係RMB70 ，差唔多HKD400先買到呢盞燈，不過真係好鍾意，同埋如果係Homeless買，應該買到盞紙燈only.

http://detail.tmall.com/item.htm?id=9193616256&prt=1329461778493

到左客廳ge燈，我地商量左好多好多，最後決定用歐式仿蠟燭台的白色吊燈，送黎之後，我睇住d散件係度大叫點砌好，幾十條電線ge? 呢個時候當然大叫老公黎幫手。

[仲送燈膽~So Good]

點知老公上幾口螺絲，扭埋d電線，上埋個四格+/-啪啪，同張爸幾下手腳就搞掂，我都仲未get到發生咩事，哈哈

http://detail.tmall.com/item.htm?id=12838511757&prt=1329456188749
好靚啊~只係RMB 220 加快遞 RMB 42，有興趣不妨一看，下左架都仲有其他顏色同無數款式。買燈我盡量係Tmall買，有保證d之餘，亦都有7日無條件退款。

房燈我ge要求更高，因為永遠都係向上望，我話一定唔可以直接望到燈泡，唔可以積塵，所以最後買左一定唔會入到蟲ge吸頂燈，仲要係好多款式之中揀左幾個最鍾意ge Pattern，一買就買左4盞，Love字樣的用係書房，而不規則格格就用左睡房

http://item.taobao.com/item.htm?id=13506780700 RMB 142

配合同格格的座地燈放在房同廳的交界，夜晚開真係靚靚靚，有成1x個圖案，動物卡通公仔都有，原本諗住買有兔仔的款，不過都係理性d以靚排先， RMB184

http://item.taobao.com/item.htm?id=13053539325

另外買了個好數碼，不規則小方格的長壁燈，掛係床尾做埋一個小層架，因為始終膠不算太受力，放下公仔擺設就一等一，同埋咁多盞燈我都係偏心最愛呢盞，120cm長，另外亦都有60cm的，座地的一樣。RM96 真係無得彈

http://item.taobao.com/item.htm?id=14533920719

Total係呢間買左4盞燈，要成RMB600，加埋幾百蚊運費，其實真係淘寶最貴的一次，但連埋吊燈同檯燈，HKD1300都唔洗就買晒全屋ge所有燈，係香港可能只係買到一盞半盞，但呢一盞半盞都係舖頭係大陸用我呢個價錢買落黎，所以，淘都唔一定淘次貨，淘cheap野的，其實好多時侯依家裝修，大家都已經會上SZ買又或者淘落黎，睇多幾集《安樂窩》你就會發覺好多人其實都淘寶，往往答主持人都係話「係內地睇中，就訂落黎」，哈哈。