鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

12/15/2012

在T7產房的七小時 >_< !!! [上]

< A7產前房的日與夜! >


話說每朝八點幾就係醫生巡房的時候,呀姐姐會叫所有去左廁所、去左散步、行左去傾計ge所有大肚婆快d上返床,唔準走圍走,趕鴨仔麼。醫生埋到黎,巡例問了幾個問題,我都係答佢5分鐘下腹就痛30sec,今次呢個係senior d ge醫生,無端端就話要伸手入去檢查.... 比佢「摷完........佢....


佢好冷靜話「開3度了,過產房啦我都未定神仲「哦哦哦」j
跟住醒一醒「下!醫生~你話依家過產房!? 我開左3度!~!?
跟住我第二個反應就問好人d個位姑娘可唔可以食d餅~~個早餐太難食我無食過!佢原本唔比ga因為醫生係度,跟住細細聲叫我快d食,食少少好啦~太好了! 然後我的第三個反應就當然即刻wtapps老公,我仲記得當時9am正,叫佢2,3個鐘內返到黎;
事後佢同我講「你wtapps我個刻,我剛剛推門入到公司,都唔知點好! 
我相信佢係快快手個腦一片空白機械式做左1個鐘野就拋低一句「出去做野就衝左返火車站

因為我真係一d都唔痛,執完野同同房個5位「朋友仔講byebye,
搞到比姑娘話「唉呀,行快d啦,香港小姐咩
推到過產房..........同坐監無分別,又係長期駁住機chk住胎心跳同胎動
同埋姑娘幫我人手穿水我以為會好痛,點知,點知係完全唔痛,好似有桶好暖ge水淋落身咁,好暖好暖

我隔黎牆隔住的媽媽已經開始生得,但我見d助產士從容不逼坐係床尾ge檯叫佢自已用力,無人幫到你架,你大力d,啖氣長d啦,10秒呀,你2秒都無!結果搞搞下佢都生左兩個幾累。見到bb抱去後面抹身打針時,我都忍唔住gut起身望下,一陣就到自已啦 >_<
因為我好精神無咩痛,成日周圍望d助產士做咩,又係咁叫人比水我飲
但結論係唔飲得,只可以濕咀唇,仲要係水喉水...

九點入產房話開三度,我心諗「1pm點都搞掂啦掛,點知.....
一點個陣醫生又無啦啦伸隻手入去話仲係三度,宮頸軟....
點解過左成朝都未開架......老公11pm已經撲到產房門口等到依家..
我不停叫呀B快d出黎啦,
我唔想生到5點幾探病時間最多人聚集先比人推入病房呀

點幾鐘開始真係有d痛,愈黎愈痛,雖然一直都係下腹m痛,但真係好m痛
開始蝦米咁捲埋自已,姑娘死要我攤返開,話咁樣對bb心跳唔好
但有時真係好痛,我又捲返埋自已,到開到六度到ge時候我已經捉住張床ge扶手起勢撞落自已個頭,開始eeii,開始顧唔到周圍發生ge野,開始真係好痛

頂你,助產士交更後,好人個d走晒,得返個好似盧覓雪ge姑娘@@主要睇我,但佢竟然閂埋門出左去!我一個人係房痛到係咁撞頭,大嗌左幾聲「姑娘!!!都無人應我,灰到爆左!!!
叫到第五下終於入黎,我話做咩叫咁耐先黎,佢答我「你大聲d嘛!閂左門聽唔到!!

咁你做乜走左去又閂門!!!!


途中內地ge Houseman被指派幫我打Drip,話要配血吊糖水佢望左好耐好耐好耐......擰轉頭問姑娘可唔可以唔打手背,佢見唔到我d血管,一路搵搵搵,搵到上手臂個摺位唔係呀嘛!!! 佢再問姑娘可唔可以打個度,
姑娘話「你~點打我地咪點做~~都~有見過人咁ge....
我想say no!!!結果佢插枝針插到一半,係我手入面撩黎撩去都搵唔到血管,我又開始鬧人:
「不如你唔好打啦!我真係好怕打針ga唔該~!之後佢就不停say sorry覺得自已record花左咁離開,姑娘同佢講「一係你轉頭返黎試多次,一係叫其他houseman朋友

已經三點,老公已經係出面呆左四個鐘
無咩意識ge情況下我問姑娘老公入得黎未??[本應7度先入得,當時6度]
houseman比左個產房唯一的手提電話我,我記得當時已經唔太講到野,成程係度eeeiiii,總之就係一副痛苦的聲音講「姑娘話...你去個廁所就入黎...快d呀............bye.

抱歉,太長了!要分2篇,啦......................cont. XD

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...