在T7產房的七小時 >_< !!! [下]

續上篇  在T7產房的七小時 >_< !!! [上]

http://megan-soso.blogspot.hk/2012/12/t7.html

老公入到黎，我應該已經披頭散髮，成身汗，兼無咩意識理佢，我一味撞同捲埋自已，d姑娘經過親都叫我訓返埋d，跌落床啦你! 7-10度呢十幾分鐘真係難捱，痛得好密

d人成日話，生仔好似好急屎想痾想痾，原來係真架!hahaha

我好急的時候姑娘chk就話開晒可以生啦!yeah~~

但因為我由頭到尾都無成個肚痛，我feel唔到幾時要用力，唯有起勢痾，係咪都痾長d先

又望住部機見到有peak，即係開始收縮先知自已應該痛緊，應該要用力

有幾個助產士係側邊都話我算大力，好快就痾到眼眉，但都要繼續靠自已，唔好比佢縮入去

係咁話依家咁低無得開刀架啦，你自已痾啦

到頭仔差唔多出黎，「盧覓雪」一野打左枝針落下面，仲一野剪開左

我用左我成世人都未用過咁高音同大聲鬧佢
「你!!!做乜拮我!!!!!!!!!!!!!!!!!!!」

頂，好很痛，d人又話生仔個陣好痛，剪左傷口都唔覺

「盧覓雪」同側邊d姑娘話返我，叫我慳返啖氣生仔啦!

我再用高16度ge聲大叫

「佢拮我呀!!!!!!!!!!!!!!!!!!!!!!!!!!!!!!」

差d想加埋粗口咁濟...痛過生仔呀妖

可能因為我根本唔知feel唔到幾時要用力，係咁痾，醫生係度都話痾埋呢幾次，痾唔到就吸出黎啦要，比心機啦，呀b心跳跌緊[我當時見到係九十幾]，原本醫生要比份野我簽都無時間，佢就自己開左個真空pump，然後我就見到老公被請出去了，無得一齊生啦.................

個真空好似要抽一分鐘先去到max力，但係我根本唔想佢吸出黎，唯有再大力再長d，半幫助下終於feel到有舊好大又好滑ge野比人抽左出黎，放左係我心口.........

終於.........終於出左黎...............................3:34pm..
原來個人係會唔知想點，咩都唔想理....

望到助產士們係對面抽住呀b又拍又搖，好緊張咁，原來呀b仲未喊，要喊個肺先會膨脹

我有少少緊張，姑娘就有100個緊張，最後佢終於喊啦! 鬆了一口氣..........................

正當鬆一口氣之際，「盧覓雪」又走過黎係我大脾拮多針，乜料呀!又唔係要個個位止痛...我已經無氣再鬧佢...點知醫生姐姐坐低幫我聯針，又係傷口附近拮多枝麻醉...救命...

姑娘一直係後面處理呀B，又打針又抹又保溫又打腳印，最後捧過黎我頭側邊同我驗貨咁驗

「拿，你望清楚係男定女，呢度有d藍胎記，腳板頭先有d凍黑黑地，打左腳印」之後就無端端將塊卡仔印落我手指公，要打指模係呀B個腳印側邊，整個過程完全被動 [但咁有紀念價值ge野竟然無得拎返!]
之後就同我講呀B因為頭先遲左喊，依家推落加護病房，預防性質打定d抗生素....我淨係望左呀B一眼，之後又無得落床住，結果第一日都無見過佢了....之後仲諗起Antibiotic wo~係wo~咁咪要打好多日~?!

醫生幫我推個胎盤出黎後，幫我聯針，我feel到佢好似做勞作咁左聯右聯，好似細個我地玩鉛筆插入個齒輪畫畫咁，我忍唔住問醫生「你究竟聯左幾多針，好似好多咁」

佢ge答案仲搞笑，佢話「e~!? 我無數wo~!因為d線會自已溶架嘛 」我無奈地接受這答案

「完事」以後又比人扔低得我一個係房，好在有呀姐比左包餅同盒奶我，話慢慢食，確定無嘔先繼續飲，救星，早餐個幾塊餅之後就無再食過野....3點半生完，我係產房攤到4點半，問返「盧覓雪」不如推我走啦，一陣好多人ga.....佢聽左但無比反應我...........=.=

結果? 結果咪就係最唔如意ge算盤，我5點半正比人推返過去~!妖~成個走廊d人都睇show咁..........

雖然成個過程我都唔想比人係咁望，但呀姐執完房推我入去個陣，我先發覺自已住2人房!!，而且只得我一個!有無咁筍~!?~?!!?事後問返係屯門醫院做ge朋友仔先知呢間真係私家病房，又會咁岩派比我~嘩哈哈! 成件事好正斗~人地黎探我都好似勁d咁，嘩哈哈，二來呀B係兒科，我可以大訓特訓 XD 

當然我8個鐘後落得床後，我就已經一到兒科餵奶時間就落下層探B~已經好少係床；親戚朋友黎探我，我都選擇出走廊見晒算，又要輪住2個2個入咪仲煩...搞到產後房d姑娘成日搵我唔到，話我點解可以咁好體力走黎走去 ^o^

都係親戚黎探多，唯一黎探我ge好朋友J小姐..佢威ar佢~竟然~竟然帶3排Kinder繽紛樂比我~~笑死我~~唯有係老人家面前扮唔係比我 XXXD 夜晚係病房!yeah!請等等~我繽紛樂緊~! 

Day 0 五磅八的小B

Day 70 - 十二磅 肥B一個

依家終於明白好友一句「有仔萬事足」，肥B現在是全人奶B，

生長線係咁升，邊個話人奶唔好???