魚子醬開始食糊仔啦~~~大個仔啦!

真係陰公豬，一家三口病足一個星期，到依家都未清得晒，原本每日朝早我有四小時自由時間打下Blog做下家務，呢個星期完全係「理得你!訓左先算」，早餐都唔想食，跟住下晝魚子醬一訓晏覺，我又會連lunch都唔想食就Ping Pang一齊訓，因為醫生D藥真係令人好眼訓，我同呀B呢幾日應該有16-17個鐘係床上攤住挨住過....好彩魚子醬食藥唔會打仗咁，都無Bur出黎，總算無浪費d藥，快d好返啦........

講返上星期ge事，就係差不多五個月的前幾天，我地開始食糊糊啦，因為係BB展終於買齊餐具同糊仔，一副期待的眼神! hehe 

頭一日係唔多開口，以為要食藥，但試過係奶奶味又好似想食咁，因為第一日ge糊仔開到好稀，佢流返出黎同撞瀉我隻匙ge應該同食落肚ge差唔多份量 

為免佢搞我隻匙，於是就決定一人一隻，你有你玩，我有我餵，結果都半成功啦，不過個過程有d似功夫拆棍咁囉. 

第二日再黎!頭一啖都以為食藥，你睇佢個樣幾難受~hahahah~不過又無bur出黎 

食到尾尾知道係好野啦~會係咁要食~到依家食左一星期[中間病病停左2日]已經好好多啦，至少培養到佢坐Highchair，坐高，口水堅，佢就知道食糊糊，已經認得晒d餐具 

最後比條片大家睇下啦，係頭幾日魚子醬食糊仔的情形，好乖仔呀! 其實開始食糊仔~最開心一定係魚子媽~因為成日都好期待快d可以食糊仔代一餐~咁就可以出街食Lunch啦! 唔洗次次我地食~佢就得個坐字~好悶~~hahahah~距離自由的空氣又近左d

**如想得到更多實時飲食旅遊資訊，不妨LIKE一下我的Facebook Page =]