大埔 - 荷曄庭園景餐廳 - 到林村許願樹必試的浮華享受

北區可以每每只是中途站，真正逗留的次數認真少之有少，連魚子媽自已都無去過林村，嘉道理農場都只是小時候跟社區中心去過。難得有朋友辦一次寫意的郊區試菜聚，就齊齊來林村內的荷曄庭一試這裡的出品。

在門前落車已經嘩然，再走進裡邊看看，你可以說是浮誇，店主的收藏興趣甚多，將峇里風的廂房搬來這邊，又有不同的畫作，魚池、水簾、羅漢松盤景通通齊集這裡，而你萬萬猜不到，荷曄庭骨子裡，是法國菜最拿手~!

難怪這裡很受明星歡迎，因為私隱度高，泊車位多，於停車場亦有門口直達

酥皮焗龍蝦湯 [$88]，酥皮焗得金黃像帽子，還可以完整的掀開，大家都喜歡單吃酥皮，可以感受那油香酥脆的口味，而龍蝦湯亦非常有水準，濃郁幼滑

意式番茄肉碎湯 [$68] - 起初聽見番茄肉碎，大家都聯想到家中的滾湯系列，但用上意式雜菜湯的模式來製作，沒想到酸甜得宜，配起肉碎是開胃湯品，質素不遜於前者。跟湯的蒜蓉包都是足料之作，兩邊香脆入味。

想不到這裡也可以一嚐Iberico Jamon，這道西班牙黑毛豬火腿配蜜瓜 [$118] 雖然並非用上36,48m，但配上甜度高的蜜瓜，同樣帶出鹹香與甜美的相互關係，另外就是在此等環境吃，慢慢的節奏更有意思

燒焗日本黃金帆立貝 [$98] - 單隻價錢看來絕不便宜，但只要一上桌就會頓覺誠意爆燈，滿滿的一只，面層是酸酸的蛋黃沙律醬，中間還有些雜菌之類增加口感，當然帶子本身都彈牙多汁，不過個人認為這醬汁酸度有點高，若然是全芝士的話，吸引度會直線上升

來這邊都不會點太多前菜小吃，因為好戲在後頭，豬、牛、羊同時上場，壯觀的肉食放題似的!! 那羊脾大得誇張，當德國餐廳點豬手也要三百大洋的同時，這原隻羊脾才不過 $798，足夠一圍人分吃而不用點其他主菜咁滯，真心抵!

燒牛小排 [$590] - 生熟控制得好好，這裡幾款肉類都做得好好，每每皮脆金黃，但中間位置的肉汁還在，以牛小排肉質最為嫩；燒原隻紐西蘭羊脾 [$798] 近 5磅重，真係Server都要一讚，佢在一角切羊脾，切完後竟然可以拼返一隻原封不動的羊脾出來! 要比個讚你 =P 

其實真係唔係食左好多starter，但黎到呢度大家都坐左係度，好好味但真係飽到頂，畢竟我地只有五大一小，卻遇著一檯肉食，真係應該叫多幾個Meat Lover朋友來 =P 燒羊脾向來比人ge感覺會乾乾鞋鞋，但真係好嫩，愛吃熟的朋友可以要邊邊位置，愛生的朋友就取近骨的，高度推介，超抵食的大堆頭菜式~! 記住要先預訂~!!!!

大家都滯滯地ge時候，黎一碟炒青菜真係救星到，因為地利之便，呢度好多菜都係附近ge菜田摘來烹煮的，翠綠又爽口，平凡的一碟炒雜菜，來到這裡好像成了清泉

吃飽之際都發生了小插曲，就係魚子醬食飽先想落地走走，然後圍著房內走的時候突然「澎!!!」看似眼角撞到牆角的小方檯，然後大喊，嚇到大家個心離一離，但檢查過後，少少少少少少紅印都無，又無任何紅腫，還等大家著急的請老闆娘拿來一點牛油，也派不上用場，卻成功呃到一杯雪糕，即刻變臉的魚子醬，比我地笑「為左杯雪糕可以去到幾盡 XD」

飯後一點甜，甜品裝在第二個胃絕對可以重新開始，薑汁梳乎里 [$48/ 兩個起叫]，香而不辣，Fluffy綿軟不在話下，甜度不高，下塌的情況都無想像中咁多，推介一試。

其實這裡還有很多甜品，心太軟、Parfait、法式蛋糕和焗雪山等，而我們在梳乎里以外就選了蘋果批，看似中式餡批的Apple Pie有重油香的批皮，繼而裡邊有不少蘋果塊與提子乾，酸多於甜，十分醒胃，如果不吃提子乾的朋友要留意一下了

平時去一間餐廳好少真係會行足一圈影相，但這裡絕對可以辦個mini tour，走一圈拍到很多不同特色的收藏與特色景觀，有機會一定一定會再來，謝謝安排。

地址:大埔林村放馬莆43號地下

電話: 2653 1313