麥當勞 x 海洋公園 Happy Reading親子閱讀樂 - 教育意義爆燈的開心樂園餐繪本書仔

由3月13日起，除了開心樂園餐換上全新餐牌~! 仲連續三個星期有海洋公園 x 麥當勞 聯合出版的「親親大自然」繪本，三本書都好有教育意義~! 係網上面見媽媽們一致好評啊，唔洗一屋玩具，而且書本比較耐看又有環保教育意義，希望日後更多呢d Crossover!

三本書分別係「澳洲歷險記」、「魚 別亂吃」及「比賽的意外收穫」，除左主角都係大家熟悉的威威獅令，仲有好多朋友仔，小朋友一定會好開心 ^o^ 「澳洲歷險記」主要教導小朋友要愛惜樹木，減少濫用紙張同紙巾，大家都唔想樹熊們無曬地方住架嘛~!  

而「比賽的意外收穫」就係帶出海床垃圾的問題，希望大家愛惜海洋，好多時海龜同其他動物都會被海洋垃圾纏住又或者受傷 

而「魚 別亂吃」說明了我們常在宴客中吃海魚，例如蘇眉、石斑等，其實人類不停吃不停吃，係會嚴重影響海洋生態平衡，而且過度捕獲會令物種數量瀕臨絕種，而且被棄置的漁網仲會令海洋生物受傷，要注意啊~!! 每本書最後一頁都有Parent Guide，親子閱讀時光是無價的，小朋友吸收都會好好多 =]

上星期就出席了麥當勞的Blogger聚會，每次有開心樂園餐聚會都好開心，成班小朋友都超投入，又吃到Happy Meal，今次仲有故事姐姐，每次安排都好滿意 =]

魚子媽經常抱怨為何依家d 開心樂園餐無左個盒，記得童年時最愛就係當個盒係手袋，而且每期都有不同主題款式，那年代有不少收藏者；到2015年，餐盒重現啦!! yeah~!! 而且仲帶來全新的角色 Happy仔，大人小朋友都會心微笑 

由3月13日開始，全香港有11間麥當勞分店會增設親子閱讀樂書架，中英文不同程度的書籍都有，希望小朋友從小培養閱讀興趣；其次在84間分店都會舉辦親子閱讀樂聚餐，153間分店有講故事聚會，相信故事姐姐這幾個月會好忙了~哈哈。 

身邊有很多朋友都不太讓小朋友吃快餐，但魚子醬可是個不折不扣的開心樂園餐迷，每周吃一次都不過份啊，而且我們多吃熱香餅配粟米，健康的又有玩具，價錢好似算，所以從來去玩具舖都不會扭買玩具 [其實計落慳唔少架XD ] 

除左熱香餅，新餐牌有更健康的小碗雜菜蛋扭扭粉和麥芝蛋包，配上粟米後更覺健康

平時weekend同爸爸一齊食早餐，魚子醬都會痴少少扭扭粉食，依家小朋友可以有自已ge選擇了，不過因為碗細細的又滿滿，小朋友會吃得比較論盡。而麥芝蛋我們都是第一次吃的說，有茄汁又有沙律醬再加上半溶芝士，好豐富啊! 不過汁多又會食得論盡d~hahah 

除左薯餅/薯條或粟米，依家仲可以加$4轉配士多啤梨乳酪，特別適合早上吃清清腸胃，又或者當甜品用，而且另一好處是獨立杯裝，飽飽吃不下也可以帶走 =] 

大家都食飽飽後，就到Circle Time啦~~~雖然小朋友們一聚集起來有點小混亂，但只要故事姐姐一開聲，大家都專注起來聽故仔，姐姐問問題仲會一齊答，好可愛啊~~~~ 

聽完故仔，魚子醬已經對這三本繪本深深著迷，以後也要多加時間親子伴讀先得~! 題外話，開心樂園餐的Happy仔將會4月起成為生日Party的主題，小朋友開生日會就可以突到Happy系列的玩具啦，好搞笑的造型 =P 

開心的Happy Meal Gathering，給大家送上大合照，這班小朋友真係一齊成長，有d已經好fd底啦~這份友誼一定要keep住，多謝公關姐姐同麥當勞姐姐ge安排，盡興的一個下午 

參考連結: 

http://campaign.mcdonalds.com.hk/ch/promotions/happymeal/?utm_source=ch_promotions&utm_medium=corp_flyout&utm_campaign=happymeal