【親子旅行必備】鐵人家族的新裝備 - GoodBaby Pockit BB車。健力士世界紀錄大全。全球摺得最細ge BB車!!!!

魚子醬一家對BB車的需求真的不大，雖然家中有架全世界獨一無二的豹紋版 Bugaboo Bee [太陽檔是買布找師傅裁的] 但我們每個月大約只有2,3次使用機會，多是去超市上倉的時候。何解我們會在31m 才入手第二部BB車?? 因為這架是健力士世界紀錄，全球摺得最細ge BB車 - POCKIT!!

本來對babyzen yoyo已經有d動心~不過佢太抄bugaboo~同時得個細字~唔算輕~又貴，所以不作考慮。而對於9月開學前數次單拖親子旅行，魚子爸覺得有車仔，即使早出晚歸~大人小朋友都會輕鬆d。而且有幾次經驗係行山後，魚子醬真的斷電了，就覺得這樣一台便攜的BB車會很方便，所以在最近一次星馬之旅的前夕，還是順利入手了!!! 在香港已獨家批了給Toy"R"us，價錢為 $1799.9

比起我們的Bugaboo Bee，這台 Pockit摺起來真的超細，你看，整架的體積就只到車轆的部份，還可以獨立企好~!! 放入行李箱，綽綽有餘，大約只有2包「細」濕紙巾的長度 量度結果為 32x36cm，Handcarry 手提行李箱都一定放得入，重量只有4.5kg [更正: 日本官網列3.9kg，香港代理稱4.8kg，最後以親自上磅的數值 4.5kg作準]，絕對是便攜的代表! 比yoyo / moutain buggy nano 還要細一截

隨車附上原裝的「可上膊環保袋」，收納無難度，這次一大一小的行李，放埋BB車都只係16kg，係咪好想要呢 XXXD

同大家解構一下呢個 Goodbaby Pockit啦 =] 雖然~雖然~雖然魚子媽本身用開歐洲車，確實對Goodbaby這個牌子有點抗拒，但將他包裝成日本車，而且在規格上確實吸引，加上見過實物後，值得入手!! 去馬~!

Pockit 因為是兩邊手柄的關係，做唔到單手開合，不過就一定係2秒開合到，最後仲可以扣實兩邊，咁就一定唔會散開啦!!

要開返架車，只需要解開個扣，兩邊手柄就可以輕易反開

然後用手捉住手柄，一Fing~! 就開到了!! 尾轆可以選擇摺唔摺，唔摺都一樣收得埋，而且都一樣獨立企到，如果係餐廳/上巴士，暫時收一收的話，可以不用摺轆，如果返屋企收埋又或者放入行李，就可以摺到最細

將後轆都反開就可以了~! 摺轆就推一推灰色的按鈕即可

前轆可以鎖定方向，都是簡單的上下啪啪就ok，操作簡便

最後就是手柄有兩段高度可以調節，不過一般都會用高的，也就是帶網的那種高度；座位的高度，魚子媽係非常著重的，因為一般 大仔車 都比較低~大約只有40cm [P3 Mini, Maclaren, Silver Cross又或者平價的傘車]，但Pockit 足足有46cm，個人好鍾意呢點呀!

五點式安全帶，上下都有保護套，唔會比小朋友有種被勒住ge感覺

雖然魚子媽非常介意 GoodBaby 這牌子，但品牌本身都好識做，在車側的當眼位置只係標示出 POCKIT ，而goodbaby就只有 font 12 咁丁丁大，收係太陽檔得側邊，完全不覺眼，仲可以隨時用拆線刀拆走佢 XD

以一架如此簡便的車來說，他的規格認真不錯，八輪、座位高、有底籃、推車好順，好易Control，因為雖然佢係兩邊手柄，但其實中間是連住的，所以就算傾電話玩電話，上電梯扶住都好，都可以一手控制到架車

見淘寶有第一代的 Pockit 1399人仔 [關鍵字 Goodbaby口袋車]，就無網位連接住，對於高大的BB來說就可能會無野挨，但依家港日台的行貨都屬於第二代，頭頂有網連接住 [三地ge行貨顏色都不同] 我們家的是牛仔布，另一行貨顏色是淺紫色~好似p3 個種色

用得簡便的車都唔預期有闊大的底籃，這裡大約可以平排放到3,4枝水，一本雜誌左右

魚子醬不算高，所以暫時享受唔到網位的涼快感覺，用開大車，轉細車唯一的小小弊處就係座位無得調較，訓覺無咁舒服。不過便攜的規格已經勝過一切，所以魚子醬一家欣然接受。但要留意Pockit只係承重15kg，魚子醬瘦底，暫時13kg，都應該仲用到一陣仔，因為已經好耐都無重過，遲d可以放比朋友又或者希望有機會留黎自用

隨車附上厚實的購物袋，上落巴士又或者到不同場合都輕易收納，不必擔心一抽二抽，而且收納袋可以變回一個小包，扣在BB車的座位背後，非常方便 [不過多數都會直接放底籃]

不過行貨跟的收納袋，魚子媽認為還不及偉大萬能的淘寶，好孩子官方店本身就有三用收納包，可作背包、手抽又或者側揹袋，最平只係129人仔，買得過呀~唔知第一代同第二袋係咪共用到呢 =P 呢個收納袋同樣可以變回一個小小袋扣係車，好勁啊!! 而且淘寶仲有前扶手 Bumper Bar 配返~如果係6m+ 以上的BB用可以考慮

今次星馬之旅得以順利進行，Pockit的功勞至上，有左佢先可以每日朝八晚十外出，而且節奏快得多。其實出發前全香港的玩具反斗城都沒有牛仔布現貨，結果魚子爸跟香港總代理公司和反斗城的職員反覆通了幾個電話後，香港總代理同意主動跟ToyRus說收起一架Display給我們即日購入，先可以趕及旅行用上。爸爸果然永遠是小孩的英雄!! 爸爸說要高度表揚BabyStar公司的 Joey，那天還要是周末，也主動替我們處理了最大的難題，謝謝你!!

參考連結:

Pockit Official Site

Pockit Youtube Demo Video