【親子好去處】魚子醬玩樂手記 - 特麗愛Trickeye 3D Museum - 大玩特玩反轉3d館

平日最愛拍照的魚子醬一家，反而未去過3D美術館，或者一直都覺得同小小朋友去呢d會好狼狽，因為大多數要企指定ge位，擺pose，不過經過今次去山頂ge Trickeye Museum之後，實在太好玩啦 XD 3歲以上ge 家庭都應該可以handle到~~~影出黎ge作品真係好搞笑

也知道在市區有同類型的館，但一直覺得會女生群佔多，要排隊逐個「景點」影就無謂了，但這次特意選在平日晚上到山頂，人流少d，影得舒服d，仲唔怕阻住人 =P 中環碼頭搭的士上黎都係$60，快靚正啊，呢度同蠟像館、海洋公園、昂平360一樣，都係生日免費~!

Trickeye座落山頂廣場三樓的位置，一門之隔就是觀景台，連大嶼山都望到啊。不過場內沒有洗手間，而且門票規定只能進出一次，所以帶著小孩又或者有老人家同行的就要特別留意，入場前就去一去先 =]

入場費成人為HKD150，小童[3-11歲]及65歲以上為HKD100，如果在官網預購的話有9折 =] 如果已經會擇日同屋企人去ge話，不妨上網訂左先 =] 係入口已經有教大家點樣先影到靚相，場內地下都有「最佳拍攝」的位置標示，每幅畫作旁又會有Sample，絕對唔怕唔識 

一入場，未warm up 晒，可能會影得生硬d，不過之後愈玩愈順，無論要趴要彎腰都無問題 

這個獨木橋是魚子醬一家最愛的「景點」之一，魚子醬又會好合作的小心翼翼走過去，來回走了好多轉 XD  

 

區與區之間沒有實質的間隔，但大家都可區分到是畫作區、幻象區還是魔法一般的區域，在非互動性質的裝飾畫作之中，魚子媽最愛逃生門旁邊的小孩，跟檳城看到的有九成相似

在「名畫世界」區域內，看見不少大家熟悉的畫作，除左蒙羅麗莎之外，大家又認到幾多?  

沒想到魚子醬其一最愛的，是騎公雞，回到家還說不停 XD 

這個錯覺的佈景，要做得像真都要花點心思，左邊明顯是錯誤示範啦 XD 都係魚子媽做得比較有動感吧! 魚子醬死要捉實天花線，拉左呀媽上去呀~~~hahaha 

另一個在世界各地都很常見的巨人房間，這裡也有，這個也是必玩！  

 火山爆發後，威尼斯的運河都變了熔岩了，快d拯救爸爸啊~~~~~

正當魚子媽做緊 Elegant的芭蕾舞時候，魚子醬就在搞鬼，鹹濕王子~~!!!! 

給一個全景大家看看，其實每一區都是這樣，四面牆都是佈景，在沒有人的時候，我們會將行裝放在中間，然後逐個影，好方便~! 但如果有1,2個職員在巡一巡幫一幫會更好，我們拍了幾百張，都沒有一家三口的 [~哭~] 

在「大冒險」的房間，大家可以參與一下電單車比賽的動感

又可以嘗試被大象拉上山崖 

仲有最好玩ge 跳傘啊!!!! 不過這個裝置是最花體力的，麻煩大家要向後彎彎腰，真係平時少d運動都可能企唔返起身~haha~請同行的親友幫幫忙吧 [在上面全景圖就可以看到要彎腰彎多少，接近拱橋了~haha] 

 「大冒險」和接下來的「夢幻樂園」都是整個場館的戲玉，我們喜歡的都集中在這兩個區

魚子爸化身瑜珈大師 XD 好似啊~~ 

媽媽最愛這個被鯊魚追的場景，超逼真! 也謝謝魚子醬咁入戲 

善用影Pano 全景的小技巧，以後不用執相都可以有更多玩味照片，不過只能一take過，多謝魚子醬父子的大力支持和合作 XD 

以為影下相好輕鬆? 其實要不停做動作，又趴又爬又彎腰，都是體力勞動，所以大家有心理準備會有dddd累呢~

最抵死係由入口開始到場館內，不時發現地下有金執 XD 像真度極高~~~~唔知有無人真係嘗試去執，好似玩人節目咁有人偷拍嗎~~ ??

比起大象拉上崖，我們更愛這個被熊追 XD 但其實熊係識爬樹ga wo~細細個老師係教~要扮死 ~hahahaha

途中有一段時間唔見左兩父子，原來去左陪人開大 =o= 仲借埋個電話比人~齊齊睇

來到最後的「秘密花園」，都是圍繞香港的大小事，魚子醬就係佛祖手上一副「等收工」ge樣 XD 爸爸就過左大澳玩，仲差d比水怪食左~~hahhaha

呢區對遊客來說可能比較吸引，但魚子醬很愛這個紙船遊維港，無論概念和像真度都好好，兩父子仲可以坐係匯豐總行上面睇 幻彩詠香江 XD

有時將現實和幻想結合埋一齊，個效果真係好好，呢個「影相位」可能大家係唔少廣告都見過，原來影出黎個效果真係唔錯，必玩位之一

在這裡當大家warm up 後~都會影到不一樣的一面，不妨帶埋爸媽來，可能平時嚴肅的也會變成好玩伴 ^o^ 不過如果太投入~影完要休息下~hahahaha

參考連結:

Trickeye Museum Official Site

Trickeye Museum FB Page

地址: 香港山頂廣場3樓

電話: 2813 1686

營業時間: 1000-2200