鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

7/21/2015

【麥當勞迷你兵團!】19隻開心樂園餐 Minions排排企!港版 vs 國內版 大不同!仲有Minons印章啊~

屋企一下子多左好多Minions,超興奮!上兩星期收到PR送比魚子醬ge禮物,成間玩具屋咁大ge開心樂園餐呀!!!一開門忍唔住「嘩!!!!」今年Hit爆的卡通人物,Minions當之無愧,Elsa一下子都被比下去,然後又開始葡萄台灣有得換Minions餐具,點知香港McDonalds又公佈有得換!!都算,點知爸爸在國內的麥當勞又帶回一套九隻的開心樂園餐Minions,成間屋都係唔同款ge 迷你兵~~!

今年開心樂園餐出返個屋仔盒已經好開心,雖然只得星期六日買happy meal先有,但d童年回憶都已經返晒黎!點知今次收到個間,大到可以匿入去玩,最後間紙屋加固後都一直係我們家生存到 XD 已經成為魚子醬的私人空間

香港版一套10隻,每款都有唔同玩法同機關,唔係齋企架! 

知唔知咩叫「愛不惜手」? 最佳示範 XXD 9秒9就拆晒袋,攬晒上身,然後匿左入盒玩啦


大屋可以匿入去,細屋可以做頭盔,玩樂無界限 ^o^ 不過戴左上頭超傻B 

Minions 裡面,Bob, Kevin, Stuart係主角,但仲有千千萬萬ge同伴 =P 我們家上映《壞蛋獎門人》的次數直逼三位數量 XD 希望《迷你兵團》快d出碟啦~~hahahahah~呢十隻玩具都好有特色,放係檯頭真係人都開心d 

魚子媽最愛「步操迷你兵」同「吸血迷你兵」,因為步兵眼仔碌碌左右左右左右,超可愛 

吸血鬼仲搞笑,每次玩都忍唔住"HEEEEE~!!!~"  

「雜技埃及迷你兵」 有呼拉圈fing fing fing fing fing~~「爆漿王加分」仲識著燈添呀!

咁多隻Minons 之中,得一隻企唔穩,就係「武術迷你兵」不過好似回力車咁,只要擰擰擰擰擰,然後放手就會不停踢旋風腿 XXXD  而魚子醬一家偶然在曼谷旅行換到的「野人迷你兵」 ,跟香港一樣,所以我地就將重複的一隻送了比其他小朋友,香港好似7月尾先有啊

「至Hip小小超」作為打頭陣ge迷你兵,左右蹬下腿 Fing下手都好襟玩,「守衛迷你兵」好有懷舊玩具的感覺,上鏈後一步一步向前行,不過好快就比魚子醬玩到滑左啞啦,哈哈 

在加拿大的朋友說,他們的Minions又跟香港版不同,不過無咁多玩法,最多都只係出下聲,所以香港已經好好啦!我地都有2款識出聲,分別係「結他手小小超」同「吱喳阿卜」 

Minions 玩具狂熱已經滲透每個角落都算,連餐具都殺到埋身!真心吸引,其實一直都想取代屋企用開ge卡通叉匙,不過見過實物之後,似乎適合用黎食甜品生果,食唔到正餐tim~
[photo credit: ulifestyle, groupbuya]

所以魚子媽就決定只換最鍾意的一款,也獻出第一次麥麥送的體驗,要買滿$70再加$30先有呢套特別版,就算$188買set都無啊~~~不過好鍾意彩色個隻嘛~~好彩可以網上點餐,白紙黑字清晰d,早餐大約等左45分鐘 [家樓下就是麥當勞] 成個早餐數數埋埋有10隻Minons 陪住我地 XD 已經夠滿足了~而餐具實物都好靚仔,希望d公仔唔會咁快甩色

原來係國內,Minions 譯作《大眼萌小黃人》都唔可愛ge XD 不過國內版一套九隻,又全部同氣香港唔同ga~~多謝爸爸帶回來的手信! 

魚子爸話,國內對入口電子野的規限多,所以唔會好似香港咁多玩法,又燈又發聲,大部份只係齋企ge硬圈匙扣,不過最特別,最得人喜愛的,是其中有四個係印仔黎ga!!! 雖然有d造型同香港差唔多,不過成套都比香港大左一個碼,用色都唔同 

海盜、草裙、愛斯基摩人都無係港版出現過,仲要係印仔!我們都是印章控啊!! 

四款不同的印章,雖然件頭大大,印仔細細,但如此特別的設計,已經教人興奮。在國內只要買任何食品加$12就有一隻,但可以一次過加$12 x 9換晒全套 XXD 搭程火車上去換返幾套都抵呀 XXD  

仲未計Kinder 出奇蛋ge Minions 同買cereals送ge Minions 碗,係一個月裡面,屋企已經被Minions完全入侵~成為生活ge一份子 「呀!!! 點解你咁得意架~~~~~」

0 Comments:

發佈留言

幼稚園生與全職媽媽。上山下海的鐵人家族玩樂指南。堅持「以大自然為師」的教育理念,希望認識到更多志同道合的家庭!發掘更多親子好去處。親子專頁: http://www.facebook.com/xavi.hk


品牌。傳媒合作
歡迎隨時聯絡
Email: megan_wong@ymail.com

Related Posts Plugin for WordPress, Blogger...