很多人覺得曼谷不適合小朋友，確實魚子醬一家來之前都有這種疑慮，但來到之後就恨時間太少，原來曼谷這幾年的發展，五天都不夠我們玩晒d親子好去處！決定一口氣為大家介紹六個曼谷親子好去處！
==================================
人在曼谷，九成遊客在周末都會為自已安排走一趟Chatuchak Market [又名翟度翟 JJ Market]，如果全部大人，都總行得下捱得下，但帶住小朋友真係十個萬建議一定要帶BB車、芭蕉扇、帽、太陽眼鏡。
話雖如此，行足一日都認真苦悶，其實翟度翟周邊都有唔少親子地方，就好係由BTS落車到行入Market必經的JJ Park，100個遊客經過外圍，都未必有10個行入公園。其實裡面又大又靚，好似去左外國d湖畔公園，有不少商家在賣雀粟/租沙灘蓆曬太陽野餐，平到你唔信。
這裡超多白鴿，真的不像身處泰國，有叔叔叫我地買野餵，這種助長的風氣還是不用了，而且禽流感之後，對雀鳥還是保持距離好
JJ Park內草地多得一望無際，有鐘樓又有人工湖，節奏跟欄外是兩個世界
在公園內，我們發掘了超懷舊的鐵皮遊樂場，不禁想起有位好朋友走勻全港尋找鐵梯遊樂場
這裡的設施，比起小時候在香港玩的，更有歷史痕跡！3 vs 3的木板鐵枝搖搖板!!
褪色的漆油，幼身的鐵枝支撐著，還有鐵皮桶的隧道！
這種木板的四座位搖搖椅，可曾在香港的公園內看過???
除了鐵桶隧道加鐵板滑梯，最深刻的必數鐵皮直升機！雖然得單座位，但幻想到周末的時候可能會超載，掛左十幾個小男孩係度 XXD
古老的遊樂場，讓80後的魚子爸媽大開眼界，雖然以前細個都係玩超高轉轉轉辣Pat滑梯，但呢度真係古董耶！政府可能都見公園確實舊到未必捱到咁耐，所以一個新式的遊樂場正正座落舊遊樂場旁邊，家長就可以比較放心啦 =]
新式遊樂場都離不開色彩鮮艷的塑膠，雖然安全d，但總覺得難度低，樂趣始終不及舊遊樂場
不過這裡都有幾幅攀石牆，好適合小朋友放下電！
翟度翟附近，除左呢個遊樂場可以為小朋友在shopping day有點安慰，行陣出黎休息下，再入返去血拼也未尚不可，超近的說！不過其實附近有另一個超超超超好玩的親子景點！
Stay Tuned
0 Comments:
發佈留言
記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮
文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance
邀約合作請聯絡: megan_wong@ymail.com