【親子活動預告】WE嘩！「小小建築師」充氣嘉年華，玩盡室內外遊戲！ [附超抵團購連結]

除左Playright 活動之外，每年都好期待We嘩！充氣嘉年華的到來，係今年復活節又正好在黃金海岸舉行，藍天白雲真係襯到絕！而暑假移師室內絕對是明智的選擇，愉景新城又正好提供到戶內+戶外活動的空間，以全新的建築為主題，地點又係好近魚子醬家 XD 

上次係黃金海岸 Easter Dinoland 太多人無排到撐船仔遊戲，決定今次點都玩左先！希望天氣好d 唔好臨時關閉啦 >_<  

戶外ge section仲有上次我地玩過ge 水上飄！雖然要好大體力又不停打翻斗，不過比起陸上的，在水上好玩得多！除左前後，仲有機會轉下方向嘛

其中一項新新遊戲，是小朋友自行操作的挖泥機，魚子醬自細就對呢d大車好有興趣，每次在路邊見到維修工程都會指出黎！小小挖泥機絕唔係玩具咁簡單，係真係由生產挖泥機ge公司生產Mini版，操作同真ge一樣啊~~~希望唔會挖到成個商場地下都係波波 XD 

魚子媽還是比較欣賞傳統手藝，難得地這次在「充氣嘉年華」有竹棚搭建ge滑梯、韆鞦同搖搖板，應該要向小朋友解釋這些建築有何奧妙之處，也要珍惜，總有一天會絕跡 

這次以「小小工程師」為題，看不到巨大的鯨魚/變色龍滑梯，但就有近10米高ge 工程師樂園滑梯，真心期待！ 

其實月頭都收到PR姐姐邀請去試玩會，但因為魚子醬一家外遊錯過了，所以特別期待今個星期五正式開幕ge時候，可以大玩特玩 =P 見Yahoo做緊團購，$199任玩5款 $80以下ge遊戲，如果玩盡5次都玩$80個d，有賺啊！晴天公仔。晴天公仔。幫下手啦~~好想玩船仔啊~

相關文章:

[復活節親子好去處] 魚子醬玩樂手記 - We嘩充氣嘉年華 2014 。玩盡九龍城廣場!

魚子醬玩樂手記 - 黃金海岸 Easter Dinoland 充氣嘉年華。盡興燒豬記!