銅鑼灣 - THE WAFFLE HOUSE - 推介大家的比利時窩夫

上周末，先到了兒童玩樂節，又在伊利鯊伯水族館玩了一個下午，午餐早就消化晒~~兩母子這組合絕不宜周日晚上在銅鑼灣用膳，決定買點小吃，回家再算；在伊館走向時代廣場途中，百份百被這WAFFLE HOUSE的陳設吸引進來

價錢合理，口味多變，看了看櫃面的陳列品，就知道找對了門路，是發酵麵糰的正宗比利時窩夫，這些年來在CC Citysuper就有一檔賣窩夫的熟食檔，現在被消失得無影無蹤，之後又愛上了中環的WAFFFLE ，這回跟這小店有緣，以後想吃窩夫又多個選擇。店員妹妹充滿笑容的在介紹「原部原材料都係比利時運來的，即叫即整」

有原味，也有紅豆、朱古力等大路口味，煙肉、啤梨、Rum Raisin都有！魚子醬無論如何也是要朱古力的了，而媽媽就選了較特別又清新的啤梨窩夫 [$29@]

小店就只有六個堂食座位，大部份客人都會外帶，又或者$200已經有外送服務 [只限步行距離] 姐姐話「你地依家可以舒舒服服食真好，頭先坐滿晒人啊」大概是因為伊館活動5:30pm完，我們遲了離開，可以避過人潮

反正店內只有我們仨，又傾起「原本比利時正宗口味係依家食緊ge一倍甜度，老闆考慮到港人愛健康，請當地送過來的麵種減一半甜度，才有現時恰到好處的味道」 某程度上，有時堅持正宗口味才能留住客人 [好像泰菜、韓菜]，但這些甜食類，魚子媽覺得減甜也不失為上策，香港人確實無歐美地方受得甜； 啤梨窩夫第一次見，店員將餡料包裹在麵糰內，天衣無縫，烘好後，啤梨蓉剛好在邊邊位泛起閃亮的光澤，酸甜的梨蓉又再將窩夫的甜度給中和一下，邊吃邊覺得自已作了明智的選擇 =P

魚子醬的朱古力也是原條插入麵糰中心，所以在兩端有流心的效果，甜中帶苦，不太膩，希望下次可以試試煙肉窩夫 =] 「你地鍾意食就好了，有d人總覺得點解窩夫唔係全脆，話平時咖啡弄個d都係脆」 不禁回一句「這些麵糰本身就發酵過，外脆內煙韌是最正常的，如果有人話全脆ge窩夫係最好味ge話，我諗我唔會太信佢講ge野」

窩夫小店的出現，令我們不用走落cc super逼餐死，飽飽又滿足地回家去 =]

地址:銅鑼灣堅拿道東28號C地鋪