Minions 的攻勢真係一浪接一浪呀！呢頭有一班Minions 快閃，另一邊又有大量Minions 週邊產品，連睇戲都有Popcorn, 3D眼鏡等等等等等，當然少不了商場的無限裝飾；前兩天回港後，第一時間又約左朋友仔去吃喝玩樂，碰上Minions 完全是巧合，事前也沒有計劃，但這天魚子醬作為專業ge粉絲，出街都係著左Minions Tee~手執Minions玩具，袋入面仲有盒Minions TicTac糖~~襯到絕呀！
看來迷你兵偏佈整個商場不同角落，我們先在地下大堂看到了幾組裝置，而這邊都有消費滿$500就有 出奇蛋/TicTac 的活動，緊記是電子消費 [我們就中伏了]
好久不見的朋友們，一見面突然 B模上身，三個不停扮pose，請原諒相片不佳，因為真係掛住笑 XD 完全唔知佢地用左咩channel 溝通，尖腳，交叉腳，露加拿大，45度，乜都做齊
見唔少年青人，除左忙住影Minions，仲會用手機逐個嘟~~~既有QR Code又有NFC「迷你兵逐個捉」之類的遊戲~~相信搵齊的話有獎品 ? =P
主要陣地當然是商場中庭，人來人往，總覺得要影呢d~一係就晨咁早~一係就10pm後~~ANY肥~香港人突然好有秩序咁每個影相位都排起隊來，看來去年又一城 Tsum Tsum硬性排隊後，大家都自律起來；途中都遇過一d 大媽 亂入，當然被群眾壓力趕走了
這邊人很多，但有規有矩，快拍就好了~要控制四個小朋友望鏡頭，真係難過登天，仲要大家都堅持自已的Pose~
這個竹梯的最特別，當然是不准攀爬，但他們完全入形入格，勁過去左3D館
Minons 電影就未睇，不過場景多多，造型百變，影極都唔厭
來到海盜迷你兵，詭計多多的小鬼頭，無端端影影下走左~~~
而佢地竟然發現左可以走去後面望返出黎 XD 難為朋友啤 仲未知發生咩事
誰說小孩笨笨
這個主題裝置應該會一直放到8月2日，大家有興趣的都可以把握有利的時間來盡拍一番，除了地下大堂與中庭之後，相信三期地下都是另一重地，但我們沒有過去了
上到5樓，仲有小小驚喜發現，是一行三人 Bob, Kevin, Stuart，還有電子顯示屏可以show自已名啊，而且無乜人知咁，當日都係排左2,3個人ja~~yeah~~~
其實我地去五樓本來就是想到草地坐坐，遇上Minions 又是碰巧，這片草地之前都有同大家介紹過 >HERE< 魚子醬keep住都有來玩，如果下次你係度見到我地，同我地say個hi啊 ^o^
這樣的草地，雖然是人工的，但確實舒服，共有兩邊差不多大小的，但靠近裡邊的一區，我們過到去，通處都是「一舊舊」攬埋一齊的東西，嚇得我們走回近出入口的「清清草地」XD
魚子醬對BB的興趣很大，經常跟肥桃細佬玩起來，這個8m XL size baby，跟三位就快3歲的XS size哥哥姐姐，已經幾乎一樣重，而身高都已經到下巴了~~
最後跟他們去食黑蚊蚊意粉，鬥個圈圈邊個最大 XD 愉快的一天就這樣過
現在再問我一次 Families Friendly的商場，新城市和海港城的地位也是無可取代的，就算人流再多，都有容身玩樂的地方
0 Comments:
發佈留言
記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮
文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance
邀約合作請聯絡: megan_wong@ymail.com