炸彈人幾乎就是魚子媽的童年，那年代，鄰居都是差不多大的小孩，我們一放假就會約埋一齊打機，緊張起來會尖叫到成條巷都聽到，人大了，又繼續在NDS同PSP連線打，係街唔敢尖叫，不過好無癮，因為魚子爸永遠都勝利，哼！一聽到今次遠在新都城二期有炸彈人，就算遠一遠都要帶魚子醬去睇下！仲見到8月23日>>We 嘩!爆FUN大激鬥的短片<<，年青人可以4人組隊參與的耐力遊戲! 冠軍有1000蚊現金獎架！
由屯門到寶琳，絕對是遠征，但安排埋其他在附近的節目一次過進行，感覺良好 =P 第一次來新都城，一整個天幕，既節能又美觀，最愛自然光下拍攝
一望到d遊戲，魚子醬已經話"VS ARASHI"《VS 嵐》！！因為魚子醬一家每個星期日都坐定定睇，所以記憶清晰得很，先有簡易版korokoro viking，金色波碌碌碌碌碌，最後會碌到每次轉變的分數欄，真係好似節目內的玩法
又有Bank Bowling 簡單版，分別在於無斜道，但就有超超爆萌的「白寶」做保齡球樽 XD
遊戲concept好好，不過辛苦晒工作人員要每次砌返好d樽啦~hahha
在節目中我地最愛的 Rolling Coin Tower，在這裡就變了砌炸彈人ge「道具」積木，有大有細，同樣有四個高台可以一較高下，不過積木咁大舊，應該好快就高到砌唔到 XD
魚子醬超認真的在玩，其實媽媽見到實物都好興奮~~~~不過又掛住影相無玩到
魚子醬真係玩到扎晒馬咁，笑死人咩
爆戰狙擊手，難度都高啊，因為要將彩色ge方塊扔入佈景ge窿窿，考考大家眼界啦~~
大家記住同4米高ge黑寶、白寶影相呀!! 不過有少少可惜ge係，遊戲區只係係暑假weekend開放 [7月25、26；8月1、2、8、9、15、16及22日] 其他時間就只係可以係主舞台呢度影下相 ~即係大家如果想專程去玩ge話，就記住weekend先好出動啦~~~~~
除左在新都城即日消費$500或以上可以換領通行證，依家係新都城Facebook Page玩遊戲過關的話，都同樣有通行證！一屋人都過關ge話，幾張通行證都夠小朋友玩la XD 記住同黑寶、白寶影相呀!!!
參考連結:
0 Comments:
發佈留言
記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮
文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance
邀約合作請聯絡: megan_wong@ymail.com