【親子活動】讓小朋友當個薄餅小廚師，製作自已的Pizza！

其實八月初的時候，魚子醬才在KidX做了一個Wally主題的Pizza，但那次15分鐘之內兩母子竟然鯨吞了整個Pizza，爸爸有微言啦 XD 之後在Piccolo Pizzeria 見到同樣有小朋友的薄餅工作坊，第一次用 魚子醬 的FB平台去召集讀者朋友，我們的第一次親子活動就這樣舉辦了 =] 希望往後有更多機會在這平台聚集到有相同理念的父母親

Piccolo 在港島區有數間分店，暫時小朋友的薄餅工作坊只在中環九如坊的新店有辦，每位$189 + 10% ，最少六位小朋友，上限十二位，全程約1.5hr。我們訂的是星期日11am的時段，起初店方都怕太早，小朋友會遲到；但我們個個都是「早起一族」無問題！

走入店內，已看到早早準備好今天的所有食材，七彩繽紛，除了茄醬，還有煙肉、腸仔粒、蘑菇、吞拿魚、彩椒、橄欖、車厘茄、菠蘿、菠菜、芝士粒和芝士粉，ALL YOU CAN PICK！

剪好的精華片段 Video 比相片更全面，大家可以看看整過Workshop的過程，由互動環節、師傅示範到小朋友自行創作、焗製，即整即食，小朋友都樂在其中

店長說「小朋友真係好鍾意夏威夷Pizza，成日都落好多菠蘿同煙肉」又係喎！今日全部小朋友都係紅黃配搭，除左.........魚子醬那個是「超級無敵至尊」仲要加底份量 =o= 

落呀落，落呀落 「嘩焗唔焗得熟架.....」

師傅做了一個叔叔Pizza，好可愛啊！

魚子醬係唯一一個勁落菠菜的小朋友，其他人的多數都是番茄芝士同番茄芝士，家長又唔好諗住「喂呀仔，唔好蝕呀喂」~反正這裡就是小朋友做主導，家長享受這節奏就可以了

小餅廚魚子醬的「超級無敵至尊」終於完成啦！ 成個Pizza都係菜同菇 [但呢個小朋友明明揀飲擇食，係唔食菇架]

旁邊的小朋友sss 一邊放材料，一邊食材料，真係好可愛 XD 為食豬被捕捉了！

焗爐就在吧檯的正前方，小朋友可以坐在高凳看著自已的薄餅出爐 「嘩~~~~」「嘩~~~~~~~」 每次有Pizza出爐都發出這聲音

焗前焗後對比照，大家都讚魚子醬個Pizza靚靚「原來加左菜，有d綠色係咁靚架！」又真係wo~~~其實每種顏色的食物都有不同營養，所以樣樣都要食。魚子媽平時係屋企都可以食成斤菜，所以魚子醬也一樣愛吃蔬菜 =] 

Pizza可以帶走，也可以到上層的用餐區，點埋主餐牌其他的菜式一同品嚐；我地決定食少少，然後就帶回家給爸爸吃，同時又上樓回味一下這裡的Aglio Olio和薯條~!!真係好好味啊

謝謝這天出席的小朋友家庭，真係撞到無咁橋，全部小朋友都係2012年10月11月的龍B，排排企超可愛，開學前的最後一炮親子活動，大成功！謝謝大家 

問返店長 Ale，佢話呢次只係第四次的工作坊，還有進步的空間，我地都比左好多正面的評價和意見，希望佢地愈做愈好，例如位置背光影唔到靚相 [我們討厭閃光燈]、有小朋友圍裙同帽就更Perfect [現在是用大餐巾攝領口]、互動環節可以時間多一點 [我們人數少、過程順利，1hr內就完成，預期是1.5hr] 同埋可以增設填色等小工具比小朋友係等待出爐期間有d野做；希望經驗一路累積下去會愈做愈好！

參考連結:

Piccolo Pizzeria and Bar Facebook Page