屯門 - 客家好棧 - 永不錄用!

由潮館轉為同集團的客家好棧~轉接期都頗突然~~裝修間隔只作了極少量改變

三免[茶芥加一]政策仍在~~見手上有上月前光顧潮館的[食一百減五十]優惠卷

而入內一試這間重新入主時代廣場的客家好棧是否如當年勇

可算是”新”食肆~所以客人較平常多~侍應不停輪流hardsell燉湯~

看著那全光面相片的大menu~同婚紗相簿一樣~並不user friendly~

最後選了梅菜蒸芥蘭~與及東江鹽甑雞半隻~先試再算

梅菜蒸芥蘭[$48?] : 呀姐姐放低時~~我直言是呆左~下巴都跌到落心口~~

同一個價錢~在海鮮站好~在德發也好~也是一大蒸籠舖上~~

呢度~~心感”你耍我呀~?!”~

毫無生氣~疏落的切段排成一行~芥蘭幸而不過淋~仍爽脆~

但心已涼了一截~負分的誠意

東江鹽甑雞[$68?] : 中途侍應過黎說明依家隻雞同以前唔同~唔係海鹽~用准鹽等等

[我根本無食過之前個version…點知?]~佢無意中帶過一個”炸”字~

我立即追問隻雞炸ga~?唔係鹽焗ga?~!佢安撫我話都係焗出黎ge~~跟住就走左~

結果~!?

結果用錫紙包好一整鍋上桌~用刀叉打開後~根本是一隻炸雞!!

雞皮半透明深啡色~皮肉分開~

你又耍我ar~?!鹽焗雞~!??!~?~?!食了2舊~有無搞錯!凍ge?發火了這下子~

年青男侍應立即話幫我整過整過~但開放式ge廚房有個缺點~

就係比我望到佢成個”叮熱我隻雞” ge過程!個廚仲要一路望住我~好似我玩佢咁!

知客在開放式廚房用對講機說記住鹽焗雞d鹽要收返重用!又火一火~~

結果雞再來的時候已經不滿至爆燈~不想吃面前所謂的鹽焗雞~

但炸出來兼零咸味的雞~!只係錫紙外有粗准鹽~~得個樣!!!

去大快活食個沙薑雞都開心過你~~真係把幾火

即走~用優惠卷後補了$8x~

走去麥記食埋下半餐個心都好過過係度叫多樣野先夠飽!

永不錄用~!向身邊所有親朋戚友~所有住屯門ge人~所有睇我食評ge人說一聲!

永久Blacklisted!我唔要再有身邊ge人食到d咁無heart ge野~!

地址 : 屯門時代廣場2樓46號

電話 : 8300 8102