尖沙咀 - 星座冰室 - 家

識小比ge人都知道~小比好鍾意懷舊的事物~

成日都鍾意去冰室..街市熟食市場同埋大排檔...

今日都唔例外~去左尋找有''九龍勝香園''之稱ge星座冰室因這商場只是Located 在美麗華對面~基本上都經過不下數十次不過總是有點不敢內進的感覺..整個商場都是賣相機配件的..有好多呀叔....小比最驚呢d環境知道佢係地庫.就一路搵落ge路....我覺得自已好似打緊''九龍風水傳''....[唔好笑我outdated啦..雖然係10年前ge PS game..但係係我唯一一隻又要驚又會打ge長篇 game]

一路行一路驚..因為個環境係工廠大廈內部咁..不過..又好有feel 

好彩..直行轉個彎就到~門口有3,4張檯~~不過~~~我呢d清新空氣主義者~就當然即係走入鋪啦..haha

店內環境陳舊~但由踏入呢度第一刻~我已經覺得好有。家。ge感覺老闆同員工們都在中間ge大檯食緊飯~見我地入黎都即係放低餐具拎餐牌比我地~

早說過..番茄同牛肉是不能分開的.大比就叫了個茄牛炒蛋麵...小比就試了這裡獨有的番茄''撈蛋''通大比好奇問我咩係''撈蛋''....我只係用左3個好貼切ge字..''嘔吐物''咁ga lor~不過又要好好食..hahaa叫多個大portion的白菜仔先~~無菜不歡!

大比的先來..這裡與勝香園的分別~就是湯+麵真的是出前一丁逐包煮.落埋丁丁味粉

最後才鋪上茄茄~嚐了一口~大比想了一想.....

呢度d蛋同牛肉同麵都好味d~~~不過番茄都係平時好味d~haha

接下來是小比的番茄撈蛋通~賣相當然不及茄牛麵~不過我倒覺得好好味啊!!!!因為呢個糊糊的質感同通粉正好相配~通粉還要是舊式有坑紋的那種充份吸收晒茄茄味

再來是白菜~~這裡除了上湯白菜~還有牛肉炒菜~魚片炒菜~雙丸炒菜等等~都說過..我就是覺得有種舊式。家。ge感覺~呢度ge每一樣野都好好味~好懷舊

吃罷~大比目不轉睛的看著餐牌上ge蠔油雞翼~~哈哈~叫埋吧~~~聽到那開放式廚房的滋滋聲~~~~~好不心急來了來了~1碟6隻~這是小比第一次嚐蠔油雞翼炆過後再煎香..雙重美味..愛死了

在尖沙咀..也不用每次都是吃那些了..閒時來這裡舊一舊也不錯!與勝香園各有各好~唔想比較了~2間都愛~haha

地址 : 尖沙咀金巴利道16號香檳大廈地庫36號

電話 : 2724 4408

<原文始發於 20/3/2008>