荃灣 - 嘉樂冰廳 - 一次過滿足三個願望

經過一星期的木瓜沙律同芒果糯米飯洗禮~

一路食一路好掛住香港ge鹵水雞翼...白烚意粉同三文治......

......一落機訓醒過後...就忍唔住帶左自已去茶餐廳....滿足晒我3個願望

之唔係現在成了荃灣地標ge嘉樂冰廳是也..一路都驚好多人..一路都無去過

唔知點解每次去''人龍店''...我都無遇上過人龍...even連勝香園我都未排過隊..haha...可能我太得閒..揀對時間小比今趟是Weekday的5點多去的

冰廳的位置原來只係荃新天地對正正..睇地圖仲以為好難搵一入去都full full地~不過有位..一眼望晒得左右2排卡位~

一坐低~對面ge中學生情侶~打瀉杯茶~搞到大比濕了半身但佢地一句對唔住..一張紙巾都無講過無比過~~好想鬧個女仔...乜依家d中學生咁無禮貌都有ga!!!一口氣叫晒自已想食ge野...haha先來咖哩牛腩撈意粉..平時除左焗意粉.......炒..烚..湯意粉都好抗拒..今日真係一反常態淨係覺得好幸福..haha

咖哩對於大比來說有點過辣~但小比就覺得可以吧~蘿蔔同牛腩都好入味~唔通因為時間較晏~炆耐左夠入味~!?hehhe整個combination都很不錯~附送的湯就興趣不大...再來是鹵水雞翼~~21個大洋有6隻..都算合理而且一來的時候~閃令令好靚~

唔知係咪因為念翼心切~~小比覺得好好味~同樣好入味~因為曾聽說在繁忙時間~可能Turnover比較高~所以會唔太入味但怪怪地配上泰式辣醬..雞醬~!?小比沒有點來吃..總是覺得不太夾是吧~!?點了鹵水豆腐Too~每磚伍圓正

賣相一般~沒有太特別的感覺~不過平平地~小比又愛吃豆品都可以再叫ge~~~~~~

端上來的時候已經切開了但不到底~仲以為入味都好入味變埋色~我諗應該只係刀上有汁而已~哈哈~舊豆腐個皮又un...搞到我地用叉+羹先扯得開佢..haha鮮牛蛋治來了~~woo....真的很大呢....但牛肉份量好似無頭先對座的那麼多(我都係睇撈意粉幅相無意中發現到)

好壯觀的一份蛋牛治...中間最厚ge部份..小比差點就咬不晒..唔知用左幾多隻蛋呢...3!?4!?5!?

不過幸好牛肉份量不多~~~因為小比覺得呢個鮮牛好敗筆~~un到點咬點咬都咬唔開.............小比仲有一啖唔小心成塊牛肉goo左去喉嚨~透唔到氣~好辛苦...個一刻真係有d驚...............所以小比點都唔會再係度食鮮牛蛋治...下次試奄列/芝士蛋治烘底~小比對阿華田奶昔有點好奇~~所以就叫了一杯~之後慢慢發覺原來好多茶餐廳都有呢樣野..haha

雖說是奶昔~但感覺是沙冰~~老闆仲特意比左2枝飲管~~唔通想我地好似粵語殘片個d咁一人飲一枝好浪漫~?!hahaha....!飲完個人凍冰冰~~不過又好滿足~~第一次咁掛住香港ge野食...一路食出面落超大雨...老闆娘都好好人叫我地坐多陣..細雨d先走

始終唔係Rush Hour....人ge脾氣..食物ge質素都穩定d知佢收7點.諗住6點幾先黎..但又驚好多野無晒所以5點多就來了...好彩都無野沽清.以後要再來..小比大概都會揀呢個時間來..清清閒閒的吃個early bird dinner(唔好跟我呀!hahaha..第時搞到5,6點都要排大隊)研究Menu之際~~見到''綠寶''都係其中一樣飲品~要$13 tim ar...咁咪好貴...haha~不過見好多街坊都食雲吞麵~下次試下先~~最唔懷念的一定係想謀殺我ge鮮牛~~~

地址 :

荃灣新村街40B號地下

電話 : 2493 7308

<原文始發於14/7/2008>