鐵人家族的生活原則

=================================
鐵人家族的生活,就是在藍天白雲的時候「及時行樂」,
讓大自然成為孩子的導師所以天晴的時間,文章更新速度會慢慢慢慢慢慢慢,因為我們都往外跑了!下雨天就是博客更新得最頻密的日子
我們的文章都是有血有汗的真實分享,請尊重版權,要轉載請標明出處,謝謝。
=================================

9/30/2011

跑馬地 - 昌記 - 激厚油砂多


心血來潮~由銅鑼灣上左叮叮~入左跑馬地~尋找傳說中ge 3吋油砂多~ 
   係總站落車之後行左3個街口到~督見市政大廈就在眼前~都唔難搵

途中路過ge~有d都好想試~不過今日ge目標已經鎖定~!haha

係咪跑馬地ge街市都靚過人ga呢~我地上到去~~乾淨到呆左
呢度就好似美食廣場咁~不過每間鋪都有2,3行位係佢地私有的~
所以食邊間就坐邊行~~甫坐下~見到有蘇絲黃ge介紹!~死~唔會中招掛~!?
不過蘇絲黃原來都識食好野的~只係個命中率較低je~~haha
老闆同呀姐都勁有禮貌又熱情ge招待~好受落
我一心諗住食最出名ge油砂多同新鮮ge雪菜~大比又拍晒心口話一人一碗再加多士都無問題~~~
我...唯有和議啦~先來油沙多和我的雪菜紅腸米~
哈哈哈哈~見到端來的時候~大比真係O左~都話左好厚ga la~又唔知死~
油砂多~即係牛油 +砂糖~配上吋半特厚ge多士~何其壯觀是也!




厚還厚~總覺得太厚~未可以充份地令每個部份都鬆脆~

但係又好enjoy~~正!不過始終愛勝香園的多一點
呀姐溫馨提示 : 唔好食碗野住啦~趁熱食左多士先啦!咁樣先最好味~




再來是大比的雪菜煙肉麵~~呀姐都話今日d煙肉好靚~
炸到粉紅的~真係同平時個d好唔同~
呢度ge雪菜係新鮮雪菜~青綠的~相對地無咁咸~
十分喜歡~未食完已經拎本schedule出黎度下幾時再有機會黎




小比個胃又細又為食~都話左無可能食得晒一人一碗野架啦

食晒d雪菜之後又為食地叫多個奶油厚麥多~呢個都好正!!
小比鍾意麥包個種硬少少~鞋口少少ge感覺~
有2啖仲自已貪玩加埋糖~變成奶油砂多~哈哈~好有舊式格仔餅ge感覺~


入跑馬地食飯~又唔一定食名貴野ge~~識我ge人都知我最愛幫襯大排檔~有特式個d~

雖然呢個food court內還有食海鮮出晒名ge銖記同嫦記~不過我地又唔好海鮮~所以我諗要試都要擇個吉日~hehe

超滿足ge一餐~~老闆仲問我係咪d麵唔好食~食淨咁多~
我只好同佢講~樣樣都好味!不過鍾意食多士~就要取捨~haha

見到好多街坊都會落黎嘆個菠蘿油同鮮油餐包~但呢度d麵包應該係交來的~都咁好味~!?
下次有機會都要試下!食飽飽就係跑馬地周圍行下認下路認下鋪頭~
消化消化~~~


地址 : 跑馬地毓秀街2號黃泥涌市政大廈2樓1及5號

電話 : 2573 5910

<原文始發於29/12/2007>

0 Comments:

發佈留言

記錄現年九歲的山系男孩 魚子醬 與全職媽媽 Megan 上山下海玩樂日誌。由100天赤足踏在草坪沙地開始『以大自然為師』的成長理念。堅持實話實說。絕不阿諛奉承。藍天玩樂至上。雨天咬文嚼字。在本港教育制度中尋找喘息的空間。拒讓小孩當分數奴隸。只願當個真正的親子玩樂Blogger。不願稱作山系KOL。永遠相信讀者的眼光是雪亮

文字工作者。閒來執筆分享世界任何一個角落的親子好去處。為報章供稿。在傳媒訪談中分享小孩與大自然的互動。每天享受Work-Life Balance

邀約合作請聯絡: megan_wong@ymail.com

Related Posts Plugin for WordPress, Blogger...